Nissan hækkar stöðugt á lista yfir verðmætustu vörumerki heims

Fimmta árið í röð hækkar Nissan á lista fyrir verðmætustu vörumerki heims samkvæmt úttekt ráðgjafarfyrirtækisins Interbrand sem sérhæfir sig í virði vörumerkja og birtir árlega niðurstöðu sína í skýrslu sem kallast „Best Global Brands Study“.

Á þessu ári setur Interbrand Nissan í 43. sæti yfir verðmætustu vörumerki heims sem er hækkun um 6 sæti frá 2015. Að mati Interbrand er Nissan í fjórða sæti á lista yfir vörumerki sem aukið hafa verðmæti sitt mest á undanförnum árum og er Nissan nú metið á meira en 11 milljarða bandaríkjadala.

Hjá Nissan er árangurinn fyrst og fremst að þakka skýrri framtíðarsýn og tækniþróun sem miða að framleiðslu á farartækjum framtíðarinnar. Þá hefur Nissan einnið unnið markvisst að því að gera vörumerkið sýnilegra á alþjóðavettvangi, m.a. með kostun á framkvæmd alþjóðaviðburða.

Einnig hefur Nissan skapað ákveðna og jákvæða ímynd í kringum vörumerkið sem kallar á gleði og eftirvæntingu og birtist m.a. í þróun og framleiðslu á spennandi ökutækjum sem höfða sterkt til mismunandi markhópa og eiga það um leið sameiginlegt að endurspegla stefnu Nissan í umhverfismálum og markmiði um bætt öryggi í umferðinni.