Sveinbjörn kallaður í hópinn

Geir Sveinsson, landsliðsþjálfari í handknattleik, kallaði á nýjan markvörð í hópinn í gær.

Sveinbjörn Pétursson, markvörður Stjörnunnar, var þá mættur til móts við liðið en Aron Rafn Eðvarðsson er að glíma við meiðsli og getur ekki æft eins og staðan er í dag.

Sveinbjörn hefur nokkrum sinnum verið með landsliðinu og veit að hverju hann gengur. Hann hefur spilað mjög vel með Stjörnunni í vetur.

Aron Rafn er ekki eini leikmaður landsliðsins sem er að glíma við meiðsli því hornamaðurinn Stefán Rafn Sigurmannsson er einnig meiddur og verður ekki með í komandi leikjum.

Strákarnir okkar mæta Tékkum á miðvikudag í undankeppni EM.