Söluhæsti mánuður BL frá upphafi til einstaklinga og fyrirtækja

Alls voru nýskráðir 304 bíla af merkjum BL í ágústmánuði, 33 bílaleigubílar og 271 bíll til einstaklinga og fyrirtækja og hefur síðarnefndi hópurinn aldrei í sögu fyrirtækisins keypt jafn marga bíla hjá fyrirtækinu í einum mánuði.Það sem af er ári eru nýskráningar fólks- og sendibíla BL alls 4.241 og er hlutdeild fyrirtækisins á heildarmarkaðnum 26,3%, þar af 23,5% í ágúst.

Séu bílaleigubílar undanskildir nemur markaðshlutdeild BL 27,1%. Nýliðinn ágústmánuður var jafnframt söluhæsti mánuður BL til einstaklinga og fyrirtækja (án bílaleiga) frá stofnun fyrirtækisins 2012 þegar samruni B&L og IH gekk formlega í gildi og nýtt nafn var kynnt til sögunnar.

Sala BL

Sé litið til einstakra merkja hjá BL var Renault söluhæsta merkið í ágúst með 84 bíla. Ánægjulegt er hversu góðar móttökur nýr BMW X1 hefur fengið á markaðnum, en af 181 BMW sem seldur hefur verið á árinu hafa 88 verið af gerðinni X1. Söluhæsta merki BL á árinu er Hyundai en alls voru 1.206 slíkir skráðir fyrstu átta mánuði ársins. Næsthæsta merki BL er Renault með 881 seldan bíl á árinu.

Bílaleigurnar

Alls voru 207 bílaleigubílar nýskráðir á markaðinn í ágúst sem er 156% aukning miðað við sama mánuð í fyrra þegar skráður var 81 bíll. Alls stækkaði floti bílaleigubíla um 41% fyrstu átta mánuði ársins miðað við sama tímabil 2015, en alls keyptu leigurnar 8.139 bíla á tímabilinu. Á öllu árinu 2015 keyptu bílaleigurnar 6.476 bíla.