3.700 tilvonandi Nissan Leaf kaupendur í Kanada svekktir

Kanadamaðurinn og Nissan Leaf eigandinn Bruno Marcoux safnaði saman 3.700 tilvonandi Nissan Leaf kaupendum með loforði um að bílarnir myndu fást á 20.000 Kanadadollara, eða 1,8 milljón króna. Það verð átti að nást með endugreiðslum frá Kanadíska ríkinu sem það veitir kaupendum á rafmagnsbílum, sem og góðum afslætti frá Nissan.

Forstjóri Nissan í Kanada hefur nú neitað Bruno Marcoux um magnafslátt af bílunum og sagði í leiðinni að sú endurgreiðsla sem Kanadaríki veiti uppá 8.000 Kanadadollara sé nægur afsláttur á þeim. Viðbrögð Bruno Marcoux og kaupandanna voru þau að halla sér að Tesla og kaupa Tesla Model 3 bíla.

Biðin eftir þeim gæti þó orðið löng þar sem nú þegar eru 400.000 manns skráð fyrir nýjum slíkum bílum. Ef að samningurinn við Nissan vegna Leaf bílanna hefði gengið eftir hefði Nissan Leaf bílum á götum Kanada fjölgað um helming í einum vetvangi.

Ekki síst eru Bruno Marcoux og hinir 3.700 viljugu kaupendur svekktir í ljósi þess að samskonar söfnun kaupenda á Nissan Leaf bílum í Colorado gekk eftir en þar tryggðu 248 kaupendur sér bílinn með miklu afslætti og það með hjálp frá Nissan America. Hlutirnir virka greinilega ekki eins í Kanada og í Bandaríkjunum.