Skoda selur bíla í 102 löndum

Tékkneski bílaframleiðandi hefur verið í mikilli sókn á undanförnum árum og selur nú bíla sína í 102 landi. Samkvæmt áætlun Skoda sem nær til ársins 2025 verða löndin orðin 120. Innan næstu 12 mánaða munu löndin Íran, Singapúr og S-Kórea bætast við og á næsta ári verður tekin um það endanleg ákvörðun hvort Skoda fari inná bandaríska bílamarkaðinn.

Það yrði risastórt skref fyrir Skoda og kostnaðarsamt en afrakstur þess gæti líka orðið mikill. Skoda hefur lengi horft löngunaraugum yfir Atlantshafið en ætlar ekki að rasa um ráð fram og tekur endilega ákvörðun um málið með móðurfyrirtækinu Volkswagen.

Skoda hefur aldrei áður selt eins marga bíla og á fyrri helmingi þessa árs, eða 569.400 bíla og jók sölu sína um 4,6%. Skoda mun kynna nýjan sjö sæta jeppa á bílasýningunni í París í september og stutt er í kynningu á arftaka Yeti bílsins