Kína gæti leyft ráðandi eignarhald bílaframleiðenda

Því hefur verið hreyft í Kína að hömlur á meirihlutaeignarhald erlendra bílaframleiðenda í bílaverksmiðjum í Kína verði aflétt. Hún er nú takmörkuð við minna en 50% eignarhald þeirra. Með því mættu erlendir bílaframleiðendur eiga meirihluta eða að fullu bílaverksmiðjur í Kína.

Þessi breyting er af mörgum talin auka heilbrigða samkeppni á bílamarkaði í Kína og það myndi gagnast kaupendum bíla þar. Á hinn bóginn óttast forsvarsmenn China Association of Automobile Manufacturers að þessi breyting gæti leitt til hruns innlendra bílaframleiðenda og að þeir erlendu, sem eru enn stærri bílaframleiðendur, gætu stefnd framtíð þeirra innlendu í hættu.

Kína er stærsti bílamarkaður í heimi og sá mikilvægasti fyrir langflesta bílaframleiðendur um heim allan. Margir bílaframleiðendur hafa stofnað til sameiginlegrar eigu kínverskra bílaverksmiðja og þar eru gjarnan framleiddir einstaka gerðir þeirra til sölu í Kína. Þær yrðu vafalaust fleiri ef erlendum bílaframleiðendum myndi leyfast að eiga verksmiðjur sínar einir.