Nýr Ford Edge AWD frumsýndur í Brimborg á laugardaginn

Brimborg frumsýnir nýjan Ford Edge AWD á laugardaginn milli k. 12 og 16 í sýningarsal Ford að Bíldshöfða 6. Ford Edge er stærsti og öflugasti jeppinn í sínum flokki. Aksturseiginleikarnir eru framúrskarandi, útlitið er kraftmikið og tæknin er fyrsta flokks.

Ford Edge er fjórhjóladrifinn, búinn 210 hestafla dísilvél og kemur á 19' tommu Titanium álfelgum. Hann er gríðarlega rúmgóður enda er hann stærsti jeppinn í sínum flokki, rúmir 4,8 metrar. Dráttargetan er mikil eða 2.000 kg og veghæðin er rúmir 20 cm undir lægsta punkt.

Meðal staðalbúnaðar í Ford Edge er SYNC II samskiptakerfi með Bluetooth og neyðarhringingu í 112, 8 tommu snertiskjár, íslenskt leiðsögukerfi, bakkmyndavél, veglínuskynjari, umferðaskiltalesari, rafdrifinn afturhleri með skynjara og upphitanleg Quickclear framrúða svo eitthvað sé nefnt. Ford Edge fæst frá 8.390.000 kr.