Nýr Hilux kominn heim

Laugardaginn 11. júní kl. 12:00 – 16:00 verður ný kynslóð Hilux frumsýnd hjá Toyota í Kauptúni, Reykjanesbæ, á Selfossi og Akureyri. Þetta er áttunda kynslóð af Hilux sem fyrir löngu er orðin goðsögn á fjórum hjólum vegna fjölhæfni, ódrepandi seiglu og getu við erfiðustu aðstæður.

Þessi nýja kynslóð hefur öll Hiluxgenin og alla hæfileikana sem forverarnir eru þekktir fyrir en lengi getur gott batnað. Nýr Hilux er endurhannaður frá grunni, með nýrri og togmeiri vél auk áður óséðra þæginda í stjórnrými.

Sem fyrr er því leitun að bíl sem passar betur inn í íslenskan raunveruleika og þjónar eigendum sínum jafn vel hvort sem það eru verktakar, veiðimenn, bændur, ferða- eða fjallafólk. Svo er hann líka algjört augnakonfekt á malbiki. Boðið verður upp á reynsluakstur hjá öllum söluaðilum á laugardag þar sem Hiluxaðdáendur geta kynnst þeim nýja á heimaslóðum.