Níu Nissan Skyline urðu eldi að bráð

Einn mest elskaði bíll meðal bílaáhugamanna er Nissan Skyline og því er eftirsjá eftir hverju eintaki af slíkum bíl sem tínir tölunni. Því var það ekki fagnaðarefni er 9 slíkir bílar brunnu í einu í Kaliforníu um daginn. Þeir voru allir geymdir í vöruhúsi sem brann og kemur hefur í ljós eftir brunann að í aðliggjandi húsi var heilmikið marijuna ræktun.

Svo mikil var raforkunotkunin við ræktun þess að rafkerfi húsanna brann yfir og bæði húsin urðu eldi að bráð með öllu því sem þar var geymt. Auk þessara 9 Nissan Skyline bíla brunnu aðrir þrír japanskir sportbílar og 12 aðrir bílar.

Nissan Skyline er forveri eins athygliverðasta sportbíls dagsins í dag, Nissan GT-R, bíls sem handsmíðaður er og getur att kappi við flesta ofurbíla heims, enda fer hann Nurburgring brautina á 7 mínútum og 19 sekúndum og tekur sprettinn í hundrað á 2,8 sekúndum. Reyndar fer Nismo Nissan GT-R útgáfan þann sprett á 2,1 sekúndu.