Volvo ætlar ekki að framleiða minni bíl en S40

Þýsku lúxusbílaframleiðendurnir BMW, Audi og Mercedes Benz hafa öll tekið þátt í söluslagnum um smáa lúxusbíla og hafa öll nú slíka bíla í sölu. Volvo, sem einnig telst lúxusbílaframleiðandi, ætlar hinsvegar ekki að taka þátt í þessum slag og mun ekki framleiða minni bíla en Volvo 40-línuna.

Hann verður líklega framleiddur í nokkrum útfærslum og staðfest að þar á meðal sé S40 og XC40, en sá síðartaldi hefur ekki sést áður í framleiðslulínu Volvo. Volvo hefur ekki góða reynslu af framleiðslu minni bíls en Volvo C30 bíll þeirra seldist illa þrátt fyrir ágætt ytra útlits hans.

Volvo ætlar að endurnýja allar bílgerðir sínar á næstu 4 árum og nú þegar hefur það verið gert með XC90 jeppann og stóru S90 og V90 bílana, sem leysa af S80 og V70 bílana. Næst hlýtur því að vera að vænta nýrra gerða 40- og 60-línu Volvo bíla. Ýmislegt fleira verður þó á prjónunum hjá Volvo, svo sem bíls sem eingöngu verður drifinn rafmagni og á hann að koma á markað árið 2019.