Adele dansar um í 800 þúsund króna blómakjól

Söngkonan Adele sendi frá sér nýtt lag og myndband um helgina sem nefnist Send My Love (To Your New Lover). Myndbandið er einfalt en þar sést söngkonan dansa, eitthvað sem hún sjálf hefur sagt vera langt fyrir utan sinn þægindaramma. 

Lagið er gott og grípandi en kjólinn sem hún klæðist í myndbandinu hefur vakið athygli netverja sem keppast við að hæla kjólavali söngkonunnar.

Um er að ræða skósíðan blómakjól frá Dolce&Gabbana sem er meðal annars til sölu á Net-A-Porter fyrir litlar 4750 pund eða um 830 þúsund íslenskar krónur. Hann er reyndar uppseldur á síðunni en víst væntanlegur aftur fyrir áhugasama.