Stöðugur straumur á afmælissýningu BMW

Afmælissýning BL í tilefni 100 ára afmælis BMW sem haldin var við Sævarhöfða sl. laugardag gekk vel í sólbaðsveðrinu sem lék við höfuðborgarbúa framan af degi. Straumur gesta í sýningarsalinn var jafn og stöðugur yfir daginn og höfðu um fimm hundruð manns litið við í heimsókn þegar sýningunni lauk kl. 16.

Meðal áhugasamra var einn sem mætti á sýninguna á glæsilegu eintaki af BMW 635 árg 1986 sem lýtur út eins og nýr. Eins og búast mátti við stóðu stjörnur sýningarinnar, sportbílarnir i8 og M2 vel undir væntingum gesta, einkum og sér í lagi meðal ungu kynslóðarinnar sem mátaði sig við bílana á meðan þeir eldri skoðuðu vel sérstakar afmælisútgáfur af BMW X5 og 525d sem nú bjóðast á sérstöku afmælisverði í tilefni tímamótanna í sögu BMW.

Að lokum má geta þess að á tímabili var biðröð eftir því að fá að prófa rafmagnsbílinn BMW i3 sem BL mun hefja sölu á síðar á þessu ári.