Fuji Heavy Industries mun heita Subaru á næsta ári

Fuji Heavy Industries sem meðal annars framleiðir Subaru bíla mun skipta um nafn á næsta ári og heita Subaru Corporation frá og með 1. apríl á næsta ári. Með þessu vill fyrirtækið leggja áherslu á þekktustu framleiðslu þess, Subaru bíla, sem hefur notið mikillar velgengni á síðustu árum.

Á næsta ári mun Subaru að öllum líkindum ná því takmarki að smíða 1 milljón bíla fyrsta sinni. Það má heita merkilegt í tilfelli Subaru að um tveir þriðju framleiðslu þess er seld í bandaríkjunum en það á ekki við nokkurt annað japanskt bílafyrirtæki.

Fuji Heavy Industries á rætur til ársins 1917 og hóf framleiðslu flugvéla undir nafninu Nakajima Aircraft Co. en nafni fyrirtækisins var breytt í Fuji Heavy Industries árið 1953. Bílaframleiðsla undir nafni Subaru hófst síðan árið 1958 og er nafnið Subaru fengið frá heiti störnumerkisins Sjöstyrnið. Það átti að tákna sameiningu þeirra 6 fyrirtækja sem varð af Subaru sem má telja skondið í ljósi þess að í stjörnumerki Sjöstyrnisins eru jú 7 stjörnur.