Brunná opnaði með góðri veiði um helgina

Sjóbirtingsveiðin var heilt yfir mjög góð um helgina og það virðist sem mikið af fiski sé í ánum sem gefur vonir til að tímabilið standi langt inní maí.

Ein af þeim ám sem opnaði um helgina var Brunná og það er óhætt að segja að veiðin hafi farið vel af stað í henni.  Mattías Þór Hákonarson var þar við veiðar ásamt félögum sínum og lönduðu þeir í heildina 32 fiskum af öllum toga.  Bleikjur, urriðar, sjóbirtingar og einn lax.  Norðurlandið virðist fara vel af stað, a.m.k. helstu svæðin en sannkölluð mokveiði hefur verið í Litluá í Keldum en veiðin í henni er að nálgast 200 fiska strax á þessari fyrstu helgi.

Það er ennþá möguleiki fyrir veiðimenn að komast í Litluá en upplýsingar um veiði, veiðitilhögun ásamt upplýsingum um laus veiðileyfi má finna hér.