Mercedes Benz atvinnubílasýning

Atvinnubílar frá Mercedes-Benz verða í sviðsljósinu nk. laugardag en þá heldur bílaumboðið Askja sérstaka atvinnubílasýningu að Fosshálsi 1 kl. 12-16. Mercedes-Benz er stærsti framleiðandi lúxus- og atvinnubíla í heiminum og hafa verið vinsælir hér á landi sem og víða um heim.

Mercedes-Benz atvinnubílarnir eru fjölbreyttir og uppfylla ólíkustu þarfir við ýmsar aðstæður. Má þar nefna Citan, Vito og Sprinter sendibílana og glæsilegan V-Class. Þá ber mikið á vinnuþjörkunum Actros, Antos, Arocs og Ateco úr trukkadeildinni og einnig glæsilegum Tourismo hópferðabílum.

Á sýningunni verða ýmsir sérútbúnir Mercedes-Benz bílar til sýnis í húsakynnum atvinnubíladeildar Öskju á laugardag. Má þar nefna VIP Sprinter, Jökla-Sprinter, 24 tíma þjónustu Sprinter, Tourismo hópferðabíl, V-Class með hjólastólaaðgengi, Actros dráttarbíl og fleiri öfluga bíla.