Gríðarlegur áhugi á Volvo XC90 T8

Brimborg frumsýndi Volvo XC90 T8 á laugardaginn. Aðsóknin var frábær og greinilega mikill áhugi á bílnum og var fólk mætt fyrir utan Brimborg löngu fyrir opnun. Aflrásin í Volvo XC90 T8 er gríðarlega aflmikil, hestöflin eru 407 og togið 640 Nm.

Samt sem áður er eldsneytiseyðslan í blönduðum akstri ekki nema 2,1 l/100 km og hröðunin 5,6 sekúndur frá 0-100 km/klst. Koltvísýringslosunin er lág, eða 49 g/km. Brimborg hefur nú þegar afhent 9 stykki Volvo XC90 T8. Þar að auki eru 20 Volvo XC90 T8 bílar seldir og eru væntanlegir til landsins.

Volvo hefur verið á mikilli siglingu undanfarið. Þessi þróun á einnig við um hér á Íslandi en Volvo er stærsta lúxusbílavörumerkið það sem af er ári (almennur markaður á tímabilinu: 1. janúar – 18. mars 2016).

Önnur mikilvæg frumsýning verður hjá Volvo á þessu ári þegar nýir Volvo S90 og Volvo V90 verða kynntir til leiks. Gera má ráð fyrir að fyrstu bílarnir komi til landsins í haust.