Fyrsti tveggja hæða Lundúnastrætó knúinn rafmagni

Þessi tveggja hæða strætó í London lítur út eins og hver annar slíkur í borginni, en undir honum er enginn hefbundin drifrás heldur rafmagnsmótorar. Hann er fyrsti tveggja hæða strætó í heimi og getur ekið 290 kílómetra á fullri hleðslu.

Það dugar honum til þjónustu allan daginn og því þarf ekki að hlaða strætóinn um miðjan dag, heldur aðeins á nóttunni. Þessi strætó mun auka á loftgæði fyrir íbúa London og er enn ein aðgerðin sem stuðlar að því, en borgaryfirvöld þar er mjög umhugað um að bæta loftgæði og leita allra leiða til þess.

Teknir verða í notkun 5 svona rafstrætóar í fyrstu sem aka munu London Route 98 milli Willesden og Russell Square frá og með næsta mánuði. Fleiri munu svo fylgja í kjölfarið, en það mun þó ekki gerast á neinum ógnarhraða og ef til vill er meginástæðan sú að hver svona vagn kostar 63,5 milljónir króna.