Loksins fékk Leo styttuna

Loksins, loksins, eftir að hafa verið tilnefndur alls fimm sinnum til Óskarsverðlauna sem besti leikari í aðalhlutverki, hlaut Leonardo DiCaprio sín fyrstu Óskarsverðlaun fyrir hlutverk sitt í kvikmyndinni The Revenant núna áðan.

Mikil umræða hefur verið meðal aðdáenda og í fjölmiðlum um að tími DiCaprio á Óskarsverðlaununum hafi löngu verið runninn upp og hann hefði átt þau skilið öll árin. Fjöldinn allur af „meme“ grínmyndum og „gif“ hreyfimyndum hafa verið gerð til að gera grín að þessu.



Hann hafði áður verið tilnefndur fyrir hluterk sitt í What’s Eating Gilbert Grape árið 1994, The Aviator árið 2005, Blood Diamond 2007, The Wolf of Wall Street 2014 og svo nú fyrir hlutverk sitt í The Revenant 2016.