Joe LaCava heldur tryggð við Tiger Woods

Joe LaCava, kylfusveinn Tiger Woods, segir að hann hafi fengið mörg áhugaverð atvinnutilboð í fjarveru skjólstæðings síns en Woods hefur verið mikið frá keppni undanfarin tvö ár.

LaCava er með 30 ára reynslu af PGA-mótaröðinni en hann var meðal annars á pokanum hjá Fred Couples í 20 ár áður en hann hóf störf fyrir Woods.

„Ég hef fengið nokkur góð tilboð en í sannleika sagt þá hef ég bara áhuga á að vinna fyrir Tiger eins og er.

Ég sakna auðvitað félaga minna á PGA-mótaröðinni en ég sakna þess mest að taka þátt í að vinna titla. Ég veit að þeir tímar koma aftur því ég vinn ennþá fyrir Tiger Woods.“

LaCava hefur því enn tröllatrú á Woods en hann mun eflaust ekki snúa til baka á völlinn fyrr en í vor.

Samkvæmt reglum PGA-mótararinnar fá kylfusveinar rúmlega 9% af verðlaunafé skjólstæðinga sinna og því þarf LaCava ekki að hafa áhyggjur af fjármálunum en Woods hefur unnið rúmlega 15 milljón dollara síðan að hann tók við pokanum hjá honum.