Minnsti hagnaður Hyundai í 5 ár

Hagnaður Hyundai í fyrra minnkaði um 13% og nam 690 milljörðum króna. Sala Hyundai jókst um 3% á árinu og nam 9.890 milljörðum króna. Því var hagnaður af veltu um 7%. Þetta er þriðja árið í röð sem hagnaður minnkar hjá Hyundai og í fyrsta skipti sem áætlanir um sölu bíla nær ekki markmiðum.

Vandræði á mörkuðum í Kína, Brasilíu og Rússlandi eiga stærstan þátt í því en salan í Evrópu, Bandríkjunum og heimalandinu S-Kóreu stóðst væntingar og vel það. Hyundai spáir því að vöxturinn í ár verði ekki mikill og sá minnsti síðan árið 2006 og byggist það á minnkandi vexti í sölu bíla í Kína.

Hyundai seldi færri bíla í Kína í fyrra en árið áður, í fyrsta skipti frá árinu 2007. Salan í Rússlandi féll um 3,2% og í Brasilíu um 2,7% en hún jókst um 11% í Evrópu og þar seldust 470.130 bílar í fyrra. Salan í Bandaríkjunum, næst stærsta markaði Hyundai, jókst um 5% og um 4,2% í S-Kóreu.

Hyundai hefur miklar væntingar fyrir lúxusbílamerki sitt Genesis, en það var stofnað í nóvember síðastliðnum og á merkið að hífa upp hagnað Hyundai. Hyundai er meirihlutaeigandi í Kia og þar á bæ verður lögð áhersla á umhverfisvæna og litla bíla.