Torfæru Tiguan GTE

Volkswagen heldur áfram að bjóða nýjar útgáfur af þekktum bílgerðum sínum og sú nýjasta er þessi torfæruútgáfa Tiguan jepplingsins og það með rafmagnsmótorum auk hefðbundinnar brunavélar.

Þessi Tiguan er með rafmótora á báðum öxlum en þegar rafmagnið þrýtur sendir brunavélin allt aflið eingöngu til framhjólanna. Hún getur einnig hlaðið rafmagni inná rafmótorana en það má stilla eftir þörfum.

Bíllinn er með fjölmörgum aksturstillingum, allt eftir undirlaginu og hvernig nota á bílinn og má velja á milli stillinganna Rocks, Sludge and Sand, Gravel, On-Road, Sport, Snow, Charge og Battery Hold. Samtals er afl drifrásarinnar mjög mikið og skilar það honum í 100 km hraða á 6,4 sekúndum og í hámarkshraðann 193 km/klst.

Þessi torfæruútgáfa Tiguan er hærri frá vegi en hefðbundin gerð hans og munar þar næstum 5 sentimetrum. Hann er að auki með hlífðarplötum út um allt, króki að aftan og þakbogum sem staðalbúnað. Ekki kemur fram hvort að þessi bíll fer í fjöldaframleiðslu, en hann er fyrst sýndur sem tilraunabíll og vill Volkswagen örugglega fyrst fá viðbrögð við honum áður en ákvörðun er tekin.