Nýr Hyundai Ioniq er tvinnbíl, tengiltvinnbíll og rafmagnsbíll

Frá Hyundai berast nú sífellt meiri upplýsingar og myndir af nýjustu afurð fyrirtækisins, Ioniq. Þessi nýi bíll mun bjóðast ímeð þremur mismunandi drifrásum, þ.e. sem tvinnbíll (Hybrid), tengiltvinnbíll (Plug-In-Hybrid) og sem rafmagnsbíll.

Svo virðist sem í bili sé mest áhersla Hyundai lögð á tengitvinnbílinn og mestar upplýsingar gefnar upp um hann. Hann verður með 1,6 lítra bensínvél og 43 hestafla rafmótorum og rafhlöðurnar eru lithium-ion polymer gerðar og staðsettar eins neðarlega í bílnum og kostur er til að auka aksturshæfni bílsins.

Bíllinn kemur með tveggja kúplinga og sex gíra sjálfskiptingu. Ioniq á að keppa við bíla eins og Toyota Prius, Nissan Leaf og Chevrolet Volt og Bolt og í stað þess að hann tvær eða þrjár gerðir bíla með mismunandi aflrás má fá þær allar í þessum eina bíl. Því verður hann ekki í boði eingöngu með brunavél.

Hyundai ætlar að frumsýna bílinn í S-Kóreu seinna í þessum mánuði og hann verður einnig sýndur á bílasýningunni í Genf í mars.