Jóladagatal Hurðaskellis og Skjóðu - 16. desember

Systkinin Hurðaskellir og Skjóða eru komin aftur. Þau ætla að föndra eitthvað skemmtilegt á hverjum einasta degi fram að jólum. 

Skjóða er að vísu með tíu tröllaputta og Hurðaskellir er algjör jólasveinn en þau hafa ótrúlega gaman að því að föndra og láta því ekki ónákvæmni eða brussugang á sig fá. Um leið og þau föndra kenna þau öðrum að gera jólaskraut, piparkökuhús, jólakort og fleira sniðugt.

Það eru bara 9 dagar til jóla og því ekki seinna vænna að skrifa nokkur jólakort. Í dag ætla Hurðaskellir og Skjóða að kenna okkur að búa til falleg þrívíddarjólakort.

Frekari leiðbeiningar má finna á heimasíðunni jolasveinar.is og Facebook-síðu jólasveinanna.