Snæviþakin sýning Mitsubishi bíla

Veturinn stimplaði sig hressilega inn síðustu helgina í nóvember þegar stórsýning Mitsubishi var haldin hjá HEKLU á Laugaveginum. Verið var að kynna nýja kynslóð af L200, Outlander og tengiltvinnbílinn Outlander PHEV.

Sportlegi pallbíllinn L200 er fullkomin blanda af þægindum, áreiðanleika og notagildi pallbílsins. Nýr L200 er ekki bara með útlitið á hreinu heldur er hann algjör vinnuþjarkur og var á dögunum valinn pallbíll ársins 2015 af Auto Express. 

Nýr Mitsubishi Outlander er hannaður fyrir íslenskar aðstæður og fjórhjóladrifið tryggir hámarksframmistöðu í krefjandi aðstæðum. Outlander PHEV gengur bæði fyrir bensíni og rafmagni og var á dögunum valinn tengiltvinnbíll ársins í Skotlandi. Báðir eru þeir öryggið uppmálað með 5 stjörnu einkunn í árekstrarprófunum EuroNcap.

Það var við hæfi að vetur konungur léti á sér kræla með kröftugri snjókomu á frumsýningunni en eins og þekkt er var snjókoman ein sú mesta í hartnær fjörtíu ár. „Það var jólalegt um að líta hjá okkur. Snjónum bókstaflega kyngdi niður en fólk lét veðrið ekkert á sig fá og við fengum marga góð gesti.

Þetta var afar notalegt, við gæddum okkur á piparkökum og jólaöli og sýndum alla nýju bílana okkar. Dagurinn lukkaðist mjög vel og það festi sig enginn á leiðinni heim,“ segir Jón Vikar Jónsson, sölustjóri Mitsubishi.