Audi RS7 gegn lyftu hæstu byggingar heims

Hæsta bygging heims er Burj Khalifa byggingin í Dubai og rís hún 828 uppí skýin. Lyfturnar í Burj Khalifa fara mjög hratt, eða 10 metra á hverri sekúndu. Það er 36 km hraði, beint uppí loftið.

Audi vildi finna út úr því hvort kraftabíllinn Audi RS7, sem er 560 hestöfl og togar 700 Nm, ætti einhvern séns að klífa eins hratt upp fjall. Úr því varð þetta ágæta myndskeið hér að ofan. Til þess að komast á topp Burj Khalifa þarf að skipta nokkrum sinnum um lyftu og til þess var fenginn sneggsti spretthlaupari í Sameinuðu arabísku furstadæmunum, Musa Khalfan Yasin.

Hann keppir hér gegn ökumanni Audi RS7 bílsins, Eduardo Mortara. Bíll Mortara er fjórhjóladrifinn og kemst á 100 km hraða á 3,9 sekúndum. Engin ástæða er til að upplýsa hvernig keppnin fór, en til þess þarf að horfa á myndskeiðið.