Bentley Ian Fleming fannst í bílskúr í LA

Það gerist reglulega að dýrgripir finnist yfirgefnir á afviknum stöðum, gamlir og sögulegir bílar sem margir vildu eignast. Það á einmitt við í þessu tilviki, en fyrir stuttu fannst Bentley R-Type Continental bíll sem var í eigu James Bond söguritarans Ian Fleming í bílskúr í Los Angeles.

Ian Fleming gaf reyndar vini sínum, Bandaríkjamanninum Felix Bryce þennan bíl eftir að hafa gert hann upp. Felix Bryce var fyrirmynd Fleming fyrir CIA njósnarann Felix Leiter í Bond bókunum. Hann kom við sögu í einum 6 myndum James Bond, Casino Royale þeirri fyrstu.

Felix Bryce flutti bílinn með sér til Bandaríkjanna. Þessi 1953 árgerð af Bentley R-Type Continental var einfaldlega hraðskreiðasti fjögurra sæta bíll heims þegar hann var framleiddur og þótti einstakur bíll og það reyndar enn.

Felix Bryce seldi svo bílinn og skipti hann nokkrum sinnum um eigendur en endaði svo í höndunum á skurðlækni í Beverly Hills árið 1978 og þar hefur þessi verðmæti bíll staðið í bílskúr síðan svo til ónotaður. Innrétting bílsins er algjörlega upprunanleg.

Bíllinn verður boðinn upp í Bandaríkjunum á næstunni og er búist við að hann fari á 1,4 til 1,8 milljónir dollara, eða 185 til 240 milljónir króna.