Hagnaður GM ekki hærri frá gjaldþroti

Þriðji ársfjórðungur var General Motors ábótasamur því allt frá því að bandaríska ríkið bjargaði fyrirtækinu frá gjaldþroti árið 2009 hefur GM ekki skilað meiri hagnaði á einum ársfjórðungi. Hagnaður GM nam 170 milljörðum króna. Hagnaður GM hefði orðið miklu meiri ef ekki hefði komið til mikilla bótagreiðsla vegna galla í ræsibúnaði GM bíla sem olli 124 dauðsföllum á undanförnum árum.

Sala bíla GM í Bandaríkjunum hefur verið með eindæmum góð og mikill hagnaður af rekstri þar, eða 11,8% á þessum síðasta ársfjórðungi. Ekki hefur þessi tala heldur verið hærri frá árinu 2009. Hlutabréfaverð í GM hækkaði um 4% við birtingu þessa góða árangurs GM. Meðal bílamerkja GM er Chevrolet, Cadillac, Buick, GMC, Opel, Vauxhall og Daewoo.

Enn tap í Evrópu

Góður söluárangur náðist einnig í Kína þrátt fyrir að kólnað hafi aðeins í bílamarkaðnum þar. GM hefur lengi tapað á rekstri í Evrópu en tapið þar minnkað úr 387 milljón dollurum í fyrra í 231 milljón í ár. Það er ekki síst batnandi gengi Opel sem hjálpað hefur til við þennan bata. GM áætlar að reksturinn í Evrópu skili hagnaði á næsta ári. Reksturinn í S-Ameríku versnaði á milli ára og nam tapið 217 milljón dollurum, en var 32 milljónir í fyrra.