Stálu og kveiktu í 330 milljóna Ferrari

Ferrari Daytona bíl af árgerð 1972 var stolið af verkstæði í Ástralíu í síðustu viku og þjófarnir kveiktu svo í dýrgripnum af einhverjum ástæðum. Það sem gerir þennan voðaverknað enn grátlegri er að bíllinn hafði verið gerður gersamlega upp fáeinum vikum áður og var eins og nýr.

Þessi bíll var metinn á 2,5 milljónir dollara, eða um 330 milljónir króna og tjónið því gríðarlegt. Þjófnaðurinn átti sér stað í Melbourne og er bíllinn nú gerónýtur. Þjófar bílsins hafa ekki ennþá fundist en lögreglan í Melbourne leitar þeirra.

Þessi tiltekni Ferrari bíll hefur verið í eigu margra frægra einstaklinga, meðal annars formúluökumanninum James Hunt, Roger Waters meðlims Pink Floyd og Dodi Fayed, fyrrum ástmanns Diönu prinsessu.