Rallýbílasýning á Korputorgi í tilefni 40 ára sögu ralls á Íslandi

40 ár eru liðin frá því að fyrsta rall á Íslandi var haldið og því ætlar Bifreiðaíþróttaklúbbur Reykjavíkur að halda rallsýningu samhliða ralli sem fram fer um helgina.

Sýningin fer fram á Korputorgi en þar verður hægt að skoða ýmis keppnistæki sem tekist hefur að varðveita á þessum 40 árum sem og ýmsa af nýjustu og öflugustu rallakstursbílum landsins sem og að nokkrir gamlir og góðir rallökumenn s.s. Ómar Ragnarsson, Rúnar Jónsson og Daníel sigurðsson verða á svæðinu.

Sýningin verður opin á föstudaginn (25.september) frá kl 19 en það kvöldið mæta gamlir rallarar og segja frægðarsögur af rallakstrinum í gegnum tíðina. Sýningin heldur áfram á laugardagsmorgun og opnar kl 10:00 og stendur fram til 19:00.

Klukkan 10 á laugardagsmorgun hefst svo rallið sjálft en í þessu ralli verður keyrt um Skjaldbreiðarveg og Uxahryggi í nágrenni Þingvalla. Samansöfnun keppenda verður svo á Korputorgi um 16:30 fyrir utan sýningarhúsnæðið en þar mun verðlaunaafhending fara fram. Um helgina gætu úrslit íslandsmeistaramótsins ráðist, nánari upplýsingar um rallið má finna á heimasíðu Bifreiðaíþróttaklúbbs Reykjavíkur, www.bikr.is

Sjá má nokkrar myndir úr gömlum rallkeppnum hér að neðan.