Átta sæta Audi A3 blæjubíll

Þegar vinunum er boðið í bíltúr á blæjubíl er náttúrulega sorglegt að gera mannamun vegna of fárra sæta sem gjarnan eru í blæjubílum.

Þetta vandamál leysti Audi með stæl með því að smíða 8 sæta Audi A3 blæjubíl og þá dugar ekkert minna en sex hurðir á bílinn til að tryggja gott aðgengi að öllum sætunum. Þessi bíll var smíðaður uppúr hefðbundnum A3 blæjubíl, en bara lengdur svona hressilega og bætt við 4 hurðum og tveimur sætaröðum.

Audi kallar þennan einstaka bíl "XXL", en hyggst ekki smíða fleiri eintök af honum og var þessi smíði meira gerð í gríni en alvöru. Þessi óvenjulegi bíll er í raun ekki löglegur á götum Þýskalands og að auki er ekkert uppdraganlegt þak á bílnum, svo notkun hans takmarkast við afar gott veður. Því er smíði þessi bíls aðeins gerð í auglýsingaskyni fyrir Audi A3 blæjubílinn.