Eystri Rangá að taka við sér

Eftir heldur rólega byrjun er Eystri Rangá loksins að taka vel við sér og áfram heldur stórlaxahlutfallið að fera gott.

Eystri Rangá hefur í nokkur ár verið ein af þeim aflahæstu og oftar en ekki sú aflahæsta á hverju sumri en þetta sumarið hefur hún verið heldur sein í gang. Eftir snjóþungann vetur var suma dagana mikil snjóbráð sem litar ánna og gerir hana illveiðanlega en það ástand hefur sem betur fer lagast mikið. Góðar göngur eru farnar að gera vart við sig og það sem dregur auðvitað veiðimenn, innlenda sem erlenda í ánna ár eftir ár er gott hlutfall af stólaxi í ánni en það er með því besta á landinu.

Í síðustu viku var áin með 332 laxa á land en sú tala hefur snarhækkað í liðinni viku en nýjar staðfestar tölur koma sem fyrr í kvöld frá Landssambandi veiðifélaga og víst er að margir veiðimenn sem fóru sárir frá bökkum ánna í fyrra bíða spenntir að sjá hvernig ánum vegnar. Hingað til hefur þetta sumar sannað sig sem yfir meðalsumri og meira en það í sumum ánum. En hvað Eystri Rangá varðar er ágúst frábær tími í ánni og miðað við hversu stöðug hún hefur verið í mörg ár er þetta ekki spurning um hvort göngurnar stækki heldur bara hvenær.