Veiði

120 laxar á land í Norðurá í gær

Karl Lúðvíksson skrifar
Flottur lax úr Norðurá
Flottur lax úr Norðurá Mynd: www.nordura.is
Sannkölluð mokveiði hefur verið í sumum ánum á vesturlandi síðustu daga og veiðitölurnar sem eru að berast eru ótrúlegar.

Í Norðurá gekk stór ganga í gær og loksins virðist laxinn vera að spretta upp á fjall því samkvæmt laxateljaranum í Glanna gengu 269 laxar í gegnum hann á einum sólarhring. Til samanburðar var stærsti dagurinn í fyrra 79 laxar þann 25. júlí og á árinu 2013 200 laxar þann 10. júlí. Stærsta gangan sem hefur mælst var árið 2012 þegar það fara 337 upp á einum degi en það er 27. júlí. Fyrir þá sem vilja fylgjast með göngunum er linkur á teljarann hér.

Svo mikið er af fiski í ánni að veiðmenn sem voru að veiða í Stekknum sögðu ána vera stíflaða af laxi og sömu sögu sögðu veiðimenn í Laugakvörn. Má segja að hann hafi verið í á í hverju kasti. Vætan virðist einnig hafa frískað laxinn sem fyrir var svo tökur voru gríðarlega góðar. Veiðmenn sem voru að koma í hús horfa því hýreygir til morgundagsins og glímunnar við þann silfraða.





Mest lesið




×

Mest lesið