Bílar

Opel ræðst að útblæstri dísilvéla

Finnur Thorlacius skrifar
Þróaðar dísilvélar frá Opel.
Þróaðar dísilvélar frá Opel.
Sókn Opel á heimsmarkaði byggist á öflugu þróunarstarfi. Mjög athyglisverðar nýjungar frá Opel   munu líta dagsins ljós á bílamarkaðnum, jafnt og þétt, til ársins 2018, í formi 27 nýrra bílgerða og 17 nýrra véla. Einar markverðustu nýjungarnar felast í þróun dísilvélanna.

Nú þegar skarta Opel bílarnir einum þróuðustu dísilvélum heims og með tilkomu nýju tveggja lítra CDTI vélarinnar, sem kynnt var fyrri hluta ársins 2015, má segja að ný kynslóð af hljóðlátari og umhverfisvænni dísilvélum verði komin í Opel línuna, allt frá Corsa til Insignia.

Nýjar og nettar 1,3 lítra og 1,6 lítra vélar, sem og stærri 2,0 lítra vél hafa af stórum hluta til verið þróaðar með eiginleika sem byggja á AdBlue kerfinu, og snýst í grunninn um hæfileikann til að eyða sótflögum í útblæstri betur en áður hefur þekkst. Þessar byltingarkenndu dísilvélar mæta ströngustu Euro 6 útblástursstöðlum.

Ökumenn munu njóta þeirra að fullu með góðri samvisku því að í þeim sameinast kraftur, akstursánægja, sparneytni og ábyrgð í umhverfismálum. Útblásturinn verður á pari við bensínvélarnar. Með tilkomu þessarar nýju kynslóðar af dísilvélum frá Opel er hár útblástur mengandi efna nánast úr sögunni.

Mest lesið




×

Mest lesið