Donaldson: Púttin skipta öllu máli á Chambers Bay

Velski kylfingurinn Jamie Donaldsson segir að púttin muni skipta öllu máli á opna bandaríska meistaramótinu í golfi sem hefst í dag.

Mótið fer fram á nýjum standvelli í Tacoma í Washington sem byggður er landstæði þar sem áður var grjótnáma.

Völlurinn er líkur þeim sem notast er við á opna breska meistaramótinu, en Chambers Bay-völlurinn er mjög þurr og harður.

„Maður verður ekki nálægt pinnunum þannig púttin verða svakalega mikilvæg. Sá sem nær fullkomnum hraða á flötunum mun vinna mótið,“ segir Donaldson.

Mótshaldarar segjast mjög ánægðir með völlinn þrátt fyrir óvenjulegar aðstæður, en Chambers Bay er par 70-völlur sem opnaður var árið 2007.

„Þetta verður öðruvísi, en við munum halda okkur við þau gildi sem gera opna bandaríska meistaramótið að því móti sem það er,“ segir Mike Davis hjá bandaríska golfsambandinu.

Útsending frá fyrsta degi US Open hefst á Golfstöðinni klukkan 17.00.