Magn sótagna einungis fimmtungur þess sem var

Í umfjöllun fjölmiðla að undanförnu hefur verið rætt um sótagnamengun frá díslilvélum. Í nýrri dísilvél Renault sem væntanleg er í Clio og fleiri gerðir er magn sótagna frá útblæstri aðeins fimmtungur þess sem það var og er það í samræmi við hertar umhverfiskröfur Evrópusambandsins sem lýst er í Euro 6 reglugerð ESB sem tekur gildi í haust.

Í nýju reglugerðinni má magn sótagna í dísilvélum vera að hámarki 40% þess sem nú er leyfilegt samkvæmt núgildandi reglugerð, Euro 5. Sótagnir eru mældar á grundvelli svokallaðra NOx-gilda. Staðreyndin er sú að með nýju reglugerð ESB, Euro 6, verða kröfur til mengunar frá bensín- og dísilvélum mjög áþekkar, og hefur Renault þegar uppfyllt þessar kröfur og raunar gott betur.

Sem dæmi býður Renault afar öfluga 1,5 lítra, 90 hestafla dísilvél með 220 Nm togi. Eyðslan er aðeins 3,3 lítrar á hverja 100/km í blönduðum akstri* og er sótagnagildi vélarinnar (NOx) aðeins 33,9 mg/km sem er sambærilegt og í mörgum nýjustu bensínvélunum á markaðnum. Til samanburðar er sótagnagildi nýju 0,9 lítra 90 hestafla bensínvélarinnar í Clio 28,1 mg/km sem er lítils háttar minna en í dísilvélinni.

Leitun er að jafn umhverfismildri dísilvél sem eyðir jafn litlu og þessi frá Renault auk þess sem sótagnagildið er komið í það minnsta sem líkur eru á að náist í dísilvélum í þessum stærðarflokki. Á undanförnum árum hafa evrópskir bílaframleiðendur náð verulegum árangri í þróun umhverfismildari dísilvéla til að uppfylla kröfur Euro 6 sem hefur að markmiði að bæta loftgæði, ekki síst í þéttbýli.