Meira rými fyrir notaða bíla Heklu

HEKLA notaðir bílar flytja sýningarrými sitt í einn stærsta sýningarsal á Íslandi að Kletthálsi 13.  HEKLA notaðir bílar hafa verið til húsakynnum HEKLU að Laugavegi en með flutningunum gerbreytist aðstaðan til hins betra. 

Nýja húsnæðið er yfir 1.300 fermetrar og rúmar sýningarsalurinn og útisvæðið allt að 160 bíla. Það er ljóst að þarna verður eitt besta svæðið til að skoða notaða bíla við kjöraðstæður.

„Þetta eru ákveðin tímamót og afar spennandi fyrir okkur að opna á nýjum stað. Ný og framúrskarandi aðstaða gerir okkur kleift að þjónusta okkar viðskiptavini enn betur“, segir Ármann Sigmarsson sölustjóri. Öll inni- og útiaðstaða að Kletthálsi 13 er hin besta og hefur undirbúningur að flutningnum staðið yfir um nokkurt skeið.