Nissan Leaf selst meira en Volt og Prius Plug-In til samans

Mest seldi rafmagnsbíll heims heldur áfram að slá við keppinautum sínum og tölur fyrir heildarsölu Nissan Leaf eru skoðaðar kemur í ljós að hann hefur frá upphafi selst í fleiri eintökum en samanlögð sala Chevrolet Volt og Toyota Prius Plug-In-Hybrid.

Nissan hefur selt 172.000 Leaf bíla frá útkomu hans árið 2010. Chevrolet Volt hefur selst í 88.000 eintökum og Toyota Prius Plug-In-Hybrid hefur selst í 71.000 eintökum. Í fjórða sætinu kemur svo lúxusrafmagnsbíllinn Tesla Model S með 66.000 eintök seld.

Sterk innkoma nýrra bíla frá Mitsubishi og BMW nýlega hefur vakið athygli en Outlander Plug-In-Hybrid hefur selst mjög vel og á skömmum tíma hefur BMW i3 rafmagnsbíllinn selst í 23.000 eintökum og BMW hefur vart við eftirspurninni.

Carlos Ghosn forstjóri Nissan segir að fyrirtækið ætti að geta selt 50.000 Leaf bíla í Bandaríkjunum einum á ári svo fremi sem að hleðslustöðvanet þar batni. Nissan hefur selt 75.000 af 172.000 bíla sölu Leaf í Bandaríkjunum.