Bílar

Mini Minor í samstarfi með Toyota

Finnur Thorlacius skrifar
Mini Rocketman.
Mini Rocketman.
Mini bílafyrirtækið er í eigu BMW og nú þegar á BMW í samstarfi við Toyota við þróun og smíði smávaxins sportbíls sem gárungarnir hafa kallað hina nýju Toyota Supra eða arftaka BMW Z4.

Fyrirtækin tvö ætla ekki að láta þar við sitja þar sem til stendur að hanna og smíða saman nýjan undirvagn undir nýjan Mini bíl sem fá mun nafnið Mini Minor og yrði minnsti bíllinn í Mini fjölskyldunni.

Þennan undirvagn ætlar Toyota svo einnig að nota fyrir einhvern sinna bíla. Hugmyndin af nýjum og agnarsmáum Mini er ekki ný af nálinni en slíkur bíll var kynntur fyrir 4 árum á bílasýningunni í Genf og kallaður þar Mini Rocketman.

Mini hefur allar götur síðan þá hummað af sér smíði þess bíls og hefur greinilega leitað í nokkurn tíma samstarfs við annan bílaframleiðanda við þróun hans til að minnka kostnað. Nú er hann fundinn og í sjálfu sér eðlilegt framhald af samstarfi við Toyota með smáa sportbílinn. 

Mest lesið




×

Mest lesið