Askja sýnir Kia Picanto

Bílaumboðið Askja heldur sýningu á Kia Picanto, minnsta og ódýrasta bíl Kia á morgun, laugardaginn 31. janúar. Sýningin er liður í 10 ára afmæli Öskju en fyrirtækið mun fagna þessum tímamótum með fjölda viðburða á árinu.

Kynnt verður afmælisútgáfa af hinum vinsæla Picanto en um er að ræða beinskipta EX útfærslu sem hefur hingað til einungis verið í boði sjálfskiptur.

Picanto EX kemur með ýmsum spennandi búnaði sem er meiri en gengur og gerist í þessum stærðarflokki, m.a. með álfelgum, hita í stýri, handfrjálsum búnaði (Bluetooth), USB/AUX tengi, skyggðum rúðum, rafmagni í rúðum aftur í og fram í, ESP stöðugleikastýringu o.fl. Bíllinn er á sérlega hagstæðu verði, eða 2.090.777 kr.

Picanto er einn sparneytnasti og umhverfismildasti bíllinn í sínum stærðarflokki. Hann er að sjálfsögðu með 7 ára ábyrgð eins og allir nýir Kia bílar en þetta er lengsta verksmiðjuábyrgð sem bílaframleiðandi býður upp á í heiminum í dag. Opið verður í Öskju frá kl. 12-16 á laugardag og boðið verður upp á léttar veitingar.