Nýtt Sportveiðiblað komið út

Það er fátt sem styttir veiðimönnum jafn gleðilega stundir eins og að kíkja í tímarit um veiði og þá sérstaklega þegar núna er aðeins tveir og hálfur mánuður í að veiði hefjist á ný.

Nýtt Sportveiðiblað er komið út og sem fyrr er blaðið stútfullt af skemmtilegu efni fyrir veiðimenn.  Í blaðinu má meðal annars finna skemmtilegt viðtal við Össur Skarphéðinsson og það starf sem hann hefur unnið við verndun urriðans á Þingvöllum.  Stjáni Ben segir frá nýlegri ferð sem hann fór í ásamt nokkrum valinkunnum veiðimönnum til Mexíkó.  Einnig er að finna viðtal við Árna Baldursson hjá Lax-Á en kaflaskipti hafa orðið hjá fyrirtækinu síðustu misseri.  Rasmus Ovesen segir frá ferð til Mongólíu þar sem hann eltist við risaurriða og Þór Hauksson segir frá raunum sínum við að ná í fyrsta laxinn.