Fjölgun í Golf fjölskyldunni

Laugardaginn 10. janúar næstkomandi mun Hekla frumsýna nýjan Volkswagen fjölskyldumeðlim, Golf Variant. Golf Variant er hagnýtur skutbíll, með nægu farangursrými og búinn fullkomnum þægindum.

Við hönnun Golf Variant var lögð mikil áhersla á að halda hinu vinsæla útliti Golf, en um leið að bjóða bíl sem svarar þörfum þeirra sem þurfa aukið rými. Golf Variant getur annast flesta flutninga fjölskyldunnar með 605 lítra og 180 cm langt rými aftur í þegar sæti eru lögð niður.

Golf Variant hefur einnig fjölmarga aðra glæsilega og þægilega kosti. Sportlegar útlínur bílsins eru sérstaklega áberandi og fangar afturendinn svo sannarlega augun. Fyrir þá sem eru alveg komnir með nóg af klaka og móðu á framrúðunni eftir langan og kaldan vetur má benda á að í Golf Variant er hægt að fá upphitaða framrúðu. Einnig er hægt að fá rafstýrða sóllúgu sem er eykur enn á þægindin.

Golf Variant er frábær kostur fyrir þá sem vilja njóta glæsileikans í hönnun hins margveðlaunaða Volkswagen Golf, en um leið að njóta þess að aka um á rúmgóðum og öruggum fjölkyldubíl.

Miklir aksturseiginleikar, fagurt útlit og hátækni öryggisbúnaður eru aðeins nokkrir kostir sem gera nýjan Golf Variant tilvalinn fyrir fjölskylduna. Opið verður frá 12 til 16 á laugardaginn hjá HEKLU, Laugavegi 170-174.