Lærðu að pakka inn jólagjöfum á fullkominn máta

Sumum gengur afar illa við að pakka inn jólagjöfum svo vel fari og finnst þeir jafnvel vera með tíu þumalputta. Ekki bætir úr skák þegar pakkarnir eru óreglulegri en bækur í laginu og er pakkanum þá oft vöðlað saman.

Í myndbandinu hér fyrir neðan er fólki kenndar einfaldar lausnir við þessu vandamáli og eftir áhorfið ættu flestir að geta pakkað inn af mikilli kostgæfni.

Fyrir þá sem ekki ná tökum á innpökkuninni er ágætt að minna á að þegar upp er staðið er það innihaldið, jú og hugurinn, sem skiptir máli.