Þættir um sögu rokksins á X977

Á sunnudaginn hefjast nýjir þættir á X977 og kallast þeir Saga Rokksins. Eins og nafnið gefur til kynna fjalla þættirnir um sögu rokksins og verður farið yfir rokksöguna allt frá upphafi til dagsins í dag.

Þættirnir verða í umsjón Orra Freys Rúnarssonar sem hefur stýrt þættinum Útvarpsþátturinn Snorri undanfarin ár. 

Fyrsti þáttur fer í loftið á sunnudagskvöld klukkan 18:00 og í fyrsta þætti er ætlunin að fara yfir rokksenuna í Bandaríkjunum á árunum 1950 - 1960 en á meðal viðfangsefna eru Elvis Presley, Little Richard, Chuck Berry, Howlin' Wolf og fleiri.

Saga Rokksins verður á dagskrá X977 öll sunnudagskvöld frá 18:00 - 20:00 og verður þátturinn endurfluttur á þriðjudagskvöldum frá 22:00 - 00:00.