Eystri Rangá fer líklega fyrst yfir 2000 laxa í sumar

Í gærkvöldi var búið að bóka 1738 laxa í Eystri Rangá og miðað við veiðina í henni síðustu daga verður hún líklega fyrsta áin yfir 2000 laxa í sumar.

Hún verður þó vonandi ekki eina áin en Ytri Rangá fer vafalítið vel yfir það í sumar ásamt Eystri Rangá.  Blanda á ennþá möguleika en veiðin í henni hefur verið mjög góð í sumar þrátt fyrir skort á smálaxi.  Það verður að teljast líklegt miðað við veiðitölur síðustu viku að aðeins tvær ár fari örugglega yfir 2000 laxa en það verða á systurárnar á Rangárvöllum en Blanda eins og áður segir á samt ennþá möguleika.  Nú fer í hönd veiðitími sem oft er gjöfull á norður og norðausturlandi sem á eftir að lyfta veiðitölum vonandi hressilega upp á þeim landshluta.  Maðkahollin mæta síðan upp úr miðjum september í Ytri Rangá og þá getur verið mokveiði fyrstu dagana þar á eftir þegar laxinn sér þann orminn í fyrsta skipti.