Bílar

Kia og Benz á 40 ára afmæli Hölds á Akureyri

Finnur Thorlacius skrifar
Mercedes Benz C-Class.
Mercedes Benz C-Class.
Höldur fagnar nú 40 ára afmæli sínu og að því tilefni mun fyrirtækið halda bílasýningu á nýju og fullkomnu verkstæði þess að Þórsstíg 4 á Akureyri á morgun, laugardag kl. 12-16. Glæsilegir Mercedes-Benz og Kia bílar frá Bílaumboðinu Öskju verða til sýnis á sýningunni.

 Nýir og spennandi Mercedes-Benz GLA og C-Class verða stjörnur sýningarinnar ásamt nýjum og vel búnum Kia Sportage. Allir þessir þrír nýju bílar hafa fengið mjög góða dóma bílablaðamanna að undanförnu, m.a fyrir góða aksturseiginleika og sparneytni. Á afmælissýningunni verður öll hin breiða jeppa- og fólksbílalína Mercedes-Benz og Kia til sýnis.

 Samstarf Hölds og Bílaumboðsins Öskju mun styrkjast enn frekar á næstunni þar sem Höldur vinnur að því að ljúka vottun sem viðurkennt þjónustuverkstæði Mercedes-Benz fólks- og sendibíla á árinu.

Mest lesið




×

Mest lesið