Nýjar veiðitölur frá Landssambandi Veiðifélaga

Nýjar veiðitölur detta inn á miðvikudagskvöldum á vefnum hjá Landssambandi Veiðifélaga og það er gaman að fylgjast með því hvernig gengur í ánum.

Þessi byrjun í ár er þó heldur róleg, sérstaklega á Suðvestur- og Vesturlandi þrátt fyrir að snemmgengnir laxar hafi látið sjá sig í mörgum ánum.  Þegar tölurnar eru skoðaðar sést að Blanda trónir á toppnum, ekki bara hvað varðar fjölda heldur einnig veiði pr stöng en aðeins er veitt á 4 stangir þar eins og er.  Kjarrá opnaði vel í vikunni en eftir því var tekið að lítið af laxinum var lúsugur og rólegt er yfir veiðinni í Brennunni og sömu sögu er að segja af hinum bakkanum en Straumarnir eru ekki ennþá farnir í gang.  Haffjarðará opnaði í vikunni ásamt Fnjóská og á morgun hefst veiði í Laxá í Kjós, Elliðaánum, Ytri Rangá og nokkrum ám til viðbótar svo tímabilið fer að komast í fullan gang.  Stór straumur er eftir viku og það er yfirleitt í kringum fyrsta strauminn sem stóru smálaxagöngurnar mæta og þá fara tölurnar hratt upp.  Tölurnar eru fengnar af vef Landssambandi Veiðifélaga www.angling.is

Veiðivatn	Dagsetning	Heildarveiði	Stangafjöldi	Lokatölur 2013
Blanda	18. 6. 2014	88	4	2611
Þverá + Kjarará	18. 6. 2014	62	14	3373
Norðurá	18. 6. 2014	61	12	3351
Haffjarðará	18. 6. 2014	17	6	2158
Laxá í Leirársveit	18. 6. 2014	2	4	1006