Ósáttir í rússnesku umferðinni

Margt undarlegt gerist í rússneskri bílaumferð og þar eru hnefarnir gjarnan látnir útkljá málin. Í þessu myndskeiði sést þar sem ökumaður smábíls þvingar mótorhjólamann til að stöðva för sína er hann hyggst komast framhjá milli bíla.

Við það brýst út mikil reiði mótorhjólamnnsins sem stekkur af hjóli sínu og uppá húdd bílsins. Þar réðist hann á bíl rangs ökumanns sem fer úr bíl sínum og slær hann niður eins og reyndur boxari.

Aðrir vegfarendur horfa undrandi á aðfarirnar, en þora ekki að blandast í slagsmálin, enda ökumaður bílsins greinilega ekkert lamb að leika sér við. Ekki lætur ökumaður bílsins sér nægja að lumbra á mótorhjólamanninum, heldur leggur einnig til atlögu við mótorhjól hans og fær það sömu meðferð og bíll hans, þ.e. spörk sem ekki koma til með að fríkka hjól hans.  

Enn einu sinni næst það því á myndbandsvélar á mælaborði rússnesks bíls þegar deilumál er leyst með slagsmálum og virðist það ansi algent í rússneskri umferð. Því virðist ökumönnum þar mikil hætta búin er aðrir ökumenn reiðast ökulagi þeirra.