Besta bílaauglýsingin

Eigandi þessa gamla Volvo bíls er sannarleg í mun að selja bílinn sinn og hefur gengið lengra en flestir til að vekja athygli á söluvöru sinni.

Það er ekki eins og hann sé með neinn gullmola í höndunum, en myndbandsauglýsing hans er hrein snilld, sérlega faglega unnin og gæti sómt sér hjá hvaða bílaframleiðanda sem er. Auk þess er auglýsing hans heiðarleg og greinargóð og lýsir bæði göllum og kostum þess sem hann er að selja, Volvo 245 skutbíl af árgerð 1993 sem er talsvert ryðgaður.

Þessi aðferð Volvo eigandans er náttúrulega til eftirbreytni og kaupendur notaðra bíla væru mun betur upplýstir ef allir færu að dæmi hans. Hver veit nema hann fái uppsett verð fyrir vikið, en hann setur upp 7.500 sænskar krónur á gripinn, eða 130.000 krónur. Hann á það skilið!