Kia á Sauðárkróki á morgun.

Kia mun halda bílasýningu við Kjarnann á Sauðárkróki á morgun laugardag kl. 12-16, þann 17. maí.

Fjölmargir nýir Kia bílar verða á staðnum og má þar nefna hinn sparneytna Rio, rúmgóðan cee‘d Sportswagon, sjö sæta Carens, sportjeppann Sportage og hinn stóra Sorento jeppa. Sýningin er haldin í samstarfi við KS sem er þjónustuaðili Kia á Sauðárkróki.

,,Það er alltaf skemmtilegt og spennandi að fara með bílasýningu á landsbyggðina og við hlökkum til að fara norður á Sauðárkrók og kynna Kia bílana fyrir heimamönnum. Kia bílarnir hafa slegið í gegn á Íslandi eins og annars staðar í heiminum. Þeir eru vel hannaðir, hagkvæmir og áreiðanlegir. Allir nýir Kia bílar eru með 7 ára ábyrgð sem þýðir að nýr Kia bíll er í ábyrgð til 2021,“ segir Þorgeir Pálsson, sölustjóri Kia hjá Öskju.