Litla Þverá komin í vefsöluna hjá Veiða.is

Litla Þverá er komin í vefsöluna hjá Veiða.is en þessi á hefur ekki staðið veiðimönnum til boða sem sérstakt veiðisvæði.

Litla Þverá er laxgeng um 12 kílómetra leið upp að Kambsfossi og á þessu svæði leynast margir góðir veiðistaðir.  Áin var í fyrsta skipti í fyrra seld í sérsölu og var þá aðeins veidd í 45 daga sem skilaði 132 löxum á land sem þykir afbragðs árangur.  Áin er mjög aðgengileg. Hún fellur efst í lágu gljúfri en svo fram á láglendi . Þar einkennast hyljir af grasbakka og malarbökkum.  Gott 120 fm veiðihús fylgir með leyfum í ánni og verðið á leyfunum er einnig gott miðað við góða veiðivon en leyfin kosta 24.700 pr stöng á dag sem þykir ekki hátt í dag.  Svæðið hentar vel fjölskyldum eða litlum veiðihópum sem vilja veiða í friði og ró og sjá um sig sjálf í húsi.  Upplýsingar um veiðileyfi er að finna á www.veida.is